தற்செயலாய் என்னைப்
பார்த்ததந்த மயிலிறகு
நீலக்கண்களை சுபாவமாய்
மூடித்திறந்தபடி
செல்லமகளின் பாடப்புத்தகத்தில்
செல்லமாய் இருந்தபடி
என் காலம் பிழைத்தது
கனவாய் வந்தாள் மகள்
எந்த மயிலிடம் பெற்றாய் கண்ணே!
புன்னகை மாறாமல்
மழலைஇசையாய்
நீ எந்த மயிலிடம் பெற்றாயோ
அந்த மயில்தான் ஈந்ததென்றாள்
ஆடிக் கொண்டிருந்தது காலம்
குழந்தையாய்.
No comments:
Post a Comment